Local Search

online ads

Sri Sani Kavacham – శ్రీ శని కవచం

 

ఓం అస్య శ్రీ శనైశ్చర కవచ స్తోత్రమహామంత్రస్య కాశ్యప ఋషిః, అనుష్టుప్ఛందః, శనైశ్చరో దేవతా, శం బీజం, వాం శక్తిః, యం కీలకం, మమ శనైశ్చరకృతపీడాపరిహారార్థే జపే వినియోగః ||

కరన్యాసః ||

శాం అంగుష్ఠాభ్యాం నమః |

శీం తర్జనీభ్యాం నమః |

శూం మధ్యమాభ్యాం నమః |

శైం అనామికాభ్యాం నమః |

శౌం కనిష్ఠికాభ్యాం నమః |

శః కరతలకరపృష్ఠాభ్యాం నమః ||

 



 

అంగన్యాసః ||

 

శాం హృదయాయ నమః |

శీం శిరసే స్వాహా |

శూం శిఖాయై వషట్ |

శైం కవచాయ హుం |

శౌం నేత్రత్రయాయ వౌషట్ |

శః అస్త్రాయ ఫట్ |

భూర్భువస్సువరోమితి దిగ్భంధః ||

 

ధ్యానం ||

 

చతుర్భుజం శనిం దేవం చాపతూణీ కృపాణకం |

వరదం భీమదంష్ట్రం చ నీలాంగం వరభూషణం |

నీలమాల్యానులేపం చ నీలరత్నైరలంకృతం |

జ్వాలోర్ధ్వ మకుటాభాసం నీలగృధ్ర రథావహం |

మేరుం ప్రదక్షిణం కృత్వా సర్వలోకభయావహం |

కృష్ణాంబరధరం దేవం ద్విభుజం గృధ్రసంస్థితం |

సర్వపీడాహరం నౄణాం ధ్యాయేద్గ్రహగణోత్తమమ్ ||

 

అథ కవచం ||

 

శనైశ్చరః శిరో రక్షేత్ ముఖం భక్తార్తినాశనః |

కర్ణౌ కృష్ణాంబరః పాతు నేత్రే సర్వభయంకరః |

కృష్ణాంగో నాసికాం రక్షేత్ కర్ణౌ మే చ శిఖండిజః |

భుజౌ మే సుభుజః పాతు హస్తౌ నీలోత్పలప్రభః |

పాతు మే హృదయం కృష్ణః కుక్షిం శుష్కోదరస్తథా |

కటిం మే వికటః పాతు ఊరూ మే ఘోరరూపవాన్ |

జానునీ పాతు దీర్ఘో మే జంఘే మే మంగళప్రదః |

గుల్ఫౌ గుణాకరః పాతు పాదౌ మే పంగుపాదకః |

సర్వాణి చ మమాంగాని పాతు భాస్కరనందనః |

ఫలశ్రుతిః ||

య ఇదం కవచం దివ్యం సర్వపీడాహరం నృణాం |

పఠతి శ్రద్ధయాయుక్తః సర్వాన్ కామానవాప్నుయాత్ ||

 

ఇతి శ్రీపద్మ పురాణే శనైశ్చర కవచం ||



Leave a Reply

Local Search © 2016 9dial.com